5 árum seinna....

...þá er þessi gamla góða SUS 2003 auglýsing eitthvað svo æðisleg

Hvernig á framtíðin að vera?
-Hvaða tækifæri munt þú hafa?
-Verður áfram val í Háskólanum?
-Verður næg vinna?
-Hvernig verður að kaupa sér íbúð og eiga börn?
-Hvernig verður líf þitt næstu árin?

Já! Hvernig verður þetta nú eiginlega alltsaman?

Súrt grín.

Þetta er semsagt ekkert djók. Kaupþing afskrifaði skuldir um 40 lykilmanna í bankanum. Vei!

Yfirdrátturinn minn

Ég skulda skammtímalán. Er víst ekki einn um það. Tók lán til að kaupa mér eitthvað fínerí. Ekki hlutabréf samt. Er ekki bankinn minn til í að afskrifa lánið mitt líka?

Að leita langt yfir skammt

Slúðurdálkur Fréttablaðsins í dag vænir ritstjórn Reykjavík Grapevine um að stjórnast af vilja eigenda síns (mín). Þetta finnst mér vera skopleg aðdróttun í ljósi þess hvaðan hún kemur. Er ekki óþarfa vesen fyrir blaðamenn Fréttablaðsins að leita út fyrir sína eigin ritstjórnarskrifstofu að ritstjórn sem stjórnast af vilja og geðþótta eigenda?

Föstudagur

Ég fékk loksins lánað mandólín. Lærði þrjú grip í gær, G, C og D. Stefni á að læra annað eins í kvöld. Kannski F.

Krónublús

Ég er á leiðinni til Kanada í Maí.

Í leiðinni var ég búinn að láta mér detta það í hug að endurnýja tölvukost minn, en gamla greyið er orðin ansi lúin.

Tölvan sem ég hafði hug á að kaupa kostar 1549 kanadíska dollara. Fyrir rúmri viku hefði það gert kr 102.000 og miðað við verð á sambærilegri tölvu hérna heima, þá myndi ég spara mér 60.000 með þessum hætti.

Áðan var þessi tala komin uppí kr 122.000. Ef fram heldur sem horfir, þá verður þessi hugdetta mín orðin lítil búbót.

jt